Extra - Extra read all about it -
de
country is on Lockdown!!
Verse 1
I check out the Newsday
I reading the Guardian
From de front to de back is bad news
Ah whole set - ah dismay
plaguing down in my land
Terrorized, brutalized - read de
news
Well I telling mehself,
De youths and dem acting crazy
Why dey shooting and killing
all
over de place
And, way dey get de guns and dem
from
We doh make that down home
Day after day ah soul will roam.
Chorus
So Kamla lock de
whole place down
And turn it into ah ghost town
If you see de police van
You better not hang around ’cause
Is sometime in jail
Sitting there by yuhself with no
bail
Guarantee to get licks in you tail
From ah policeman whail
So if you think you gangster
And you behaving “bad”
You go feel she power
And you go feel it “hard”
HAIL! to de master - curfew down in
town
HAIL! to de leaders - curfew all
around
HAIL! to de master - curfew down in
town
HAIL! to de leaders
Ah never see Port of Spain
With no
one hanging around
Is
CURFEW....that is what she do
Is
CURFEW....protecting me and you
Is
CURFEW....that is what she do
Is
CURFEW...
Protecting me and you and
you
Verse 2
All de way in England,
U.S. and Caribbean
Dey in shock,
why de hell,
it cyah stop
All dis set ah shooting
Fighting and gang banging
We doh know T&T, ever so.
Remember de days when I could
Walk in meh area
With no fear dat anyone
Would come rob meh there
Now... if you take a chance and try dat
Yuh go feel ah pistol
Take way all you money
and yuh gyul.
Chorus
Bridge
Lockdown... Lockdown
She put de whole country on a -
Lockdown, lockdown
She put de whole country on a lock -
lock -
Lockdown... Lockdown
She put de whole country on a -
lockdown, lockdown
Kamla put de country on a -
Lockdown, lockdown
She put de whole country on ah lock
-
Verse 3
Dey killing in Rio
Claro and Mayaro
Arima, Arouca - and San Juan
Caroni, Point Fortin
Woodbrook, Diego Martin
De Valley, Laventille
and Belmont
I doh think dat dey care
If you broke or you have money
If you getting rob
Dey taking yuh family -
Lord!!
From mother to father and
child
Everybody gun down
And if de dog bark it getting pound
Chorus
Bridge
|