Alive And Well - 2019 Pan Tunes - Steelband Panorama - “Voice”

Your thoughts on this song?
Click to leave an opinion...

“Alive And Well”
“Voice”
Provided with the expressed permission of the composer(s)

click here for lead sheet

LYRICS

Ready dey
San Juan, San Juan wa we sayy

Thank God I’m alive and well
(I’m alive and well)
I’m alive and well
(I’m alive and well)
And there ain’t no fake smile that my eyes can’t tell
No no no, Yooo

Refrain

Bad mind
Ah doh know who send yuh
But tell dem you eh see meh na
(You eh see meh naaa)
(You eh see meh naaa)
Envious people
Ah beg yuh please
When yuh see me doh see meh na
(doh see meh naaa) x2
Doh see meh na

Verse 1

Talk di things
Talk di things dem voicey
Dey say talk di things
Is like dem eh wa see my people win
Ah say jealousy and grudge is ah sin

Talk di things
Talk di things dem voicey
Dey say talk di things
Some ah dem just wa easy living
As success reach dem watchin’ yuh things

Pre Refrain

But hear wa ah sureee bout
But dey cyah talk to me
Guardian angels watch over me
Every morning ah kneel down and pray
For my family, look I say
Hear wa ah sureeee ‘bout
No bad company
Could take way what Jah give to me
When ah see negative energy
Ah gone de next way - Now!

Refrain

_________________________

Well everybody
Put yuh hand in de air
(In de air) x3
I say Jah have ah big plan fuh we
Rag in de air
Hand in de air

Well everybody
Put yuh hand in de air
(In de air) x3
I say Jah have ah big plan fuh we
Hand in de air
Rag in de air

Verse 2

Say everything I have
I work for it – ‘cause
My family mus’ live
And everything I have dem benefit
‘Cause
Dais how we does live
Tell dem
Doh bother try stop my shine
Doh bother try take my light
Tell dem
I’m gifted by the most high
And 2019 is mine

Pre Refrain

_________________________

Refrain

_________________________

Well everybody
Put yuh hand in de air
(In de air) x3
I say Jah have ah big plan fuh we
Rag in de air
Hand in de air

Well everybody
Put yuh hand in de air
(In de air) x3
I say Jah have ah big plan fuh we
Hand in de air
Rag in de air

_________________________

Yeahh, Yeahh, Yeahhh, Yeahhh

Every youth never study wa dey say
Go to school and work hard everyday
Ah wa yuh listen to dis song on replay
‘Cause ah know Jah have ah big plan fuh we

To the fellas who killin’ daily
Make ah change in yuh life lemme see
Put dong de gun and help someone today
‘Cause ah know Jah have ah big plan fuh we

To de people dat always angry
Apologize to yuh love ones today
Ah wa yuh mend every heart da yuh break
‘Cause ah know Jah have ah big plan fuh we

To the people who does procrastinate
Never let badmind lead the way
Get up and make some progress today
‘Cause ah know Jah have ah big plan fuh we

Every artist listening out dey
Influence de youth de right way
Leave ah message in a song from today
‘Cause ah know Jah have ah big plan fuh we

To de leaders of my country
Jah bless yuh soul to do right everyday
Do yuh work with some integrity
‘Cause ah know Jah have ah big plan fuh we

Jah have ah big plan fuh we!

Visit When Steel Talks

‘Alive And Well’