|
Click here for score
sheet
|
|
Verse 1
When Skinners Park
say so, is so
When Skinners Park say no, is no
We hope you learn yuh lesson well, yes
at the fiesta,
We supported you for all these years,
remember (dey say)
Yuh cyah be a PP man in we party
(Is my PP), no Fosto, no Fosto
Yuh cyah be a PP man boy yuh crazy
(Is my PP), no Fosto, no Fosto
We judging since ‘62,
Boy whey wrong with you
We decide de fate yes, of calypso
Who in, who out, when yuh reach in South
Yuh better doh doubt.
Chorus
Is we who holds de
key
For calypso in T&T
Fosto …..doh be a chupidy
Is we who does decide
If you should win de monarchy
Fosto, doh be a chupidy
But all yuh know I love meh/dis country
Through meh music you could see
But PNM is we… from now till eternity
Dey say Pan and calypso, is de PNM’s
legacy
Fosto, doh be a chupidy
Dey keep telling me
Fosto, doh be a chupidy.
Verse 2
Yuh say yuh cyah vote
for dat, yuh mad
So de PNM warriors get on bad
All yuh know PNM didn’t send me Germany,
But de PP went England with Machel and
Rickky (where were you?)
Yuh cyah be a PP man in we party
(Is my PP), no Fosto, no Fosto
Yuh cyah be a PP man boy yuh crazy
(Is my PP), no Fosto, no Fosto
Panther call you a PNM dude,
Dat went back Jack to eat ah food
We know yuh have to survive like everybody
-
But! Calypso is we Fosto
Doh leh nobody fool yuh
Doh leh nobody fool yuh...
Chorus
Verse 3
Yuh sacrifice for dis country, we know
You paid your dues a very long time
ago
But whey yuh see it come to we politics
Dey say: We doh want no PP man
in we business... (hear
dem)
Yuh cyah be a PP man in we party
(Is my PP), no Fosto, no Fosto
Yuh cyah be a PP man, boy yuh crazy
(Is my PP), no Fosto, no Fosto
Have they done anything for you
Boy is you who cause dem to win
We hear up to dis day you eh get nothing
All de pong yuh pong Manning,
He make sure dey put you in,
Just to see who win...
(Manning - true?)
Chorus
Tag
Listen… Is my PP, is my PP...
-Boy, your PP dead already!
Rishmi disagree - Is my PP, is my PP
- Boy yuh PP dead already!
All yuh only jealous me
- Your PP dead already!
Ask Puncenelly and Pandora
- Your PP dead already!
Dey want the PP over and over
- Boy your PP dead already!
Tell dat to Sparkles and Wendy
- Your PP dead already!
Dey love de PP more than me
- Your PP dead already!
Cathy-Ann woulda let me know
- Boy your PP dead already!
De PP she ain’t letting go
- Your PP dead already!
Oh no! Oh no
- Your PP dead already!
Is PP for so
- Your PP dead already!
Oh no! Oh no
- Your PP dead already!
From Barackpore to Les Coteaux
- Your PP dead already!
Oh no! Oh no
- Boy your PP dead already!
Is PP for so
- Your PP dead already!
|
