Leh go de ting!
Verse 1
Trinidad and Tobago,
De land of steelband and kaiso,
Dis one for de players,
Dis one for de tuners,
Dis one fuh arrangers,
Tuh take we to the savannah.
From de time December reach,
Dey does clean de stands,
Chrome de pans, for de bands.
All dis preparation, is just fuh one
day
Rhythm section jamming,
Just tuh make ah play.
Chorus 1
Slam de bass,
strum dem guitars
Roll dem tenors, in meh face,
Ah want tuh hear, ah want tuh hear
Ah want tuh hear meh band.
Whey
Pelham does meet up
“Boogsie”
In the Big Yard, in the savannah.
Whey
Philmore does bounce up
Rodney,
In the Big Yard, for Panorama.
Tuh explore yuh
musical mind,
And really have ah good time.
In de North and Grand Stand,
Everyone supporting dey band.
Slam dem bass, strum dem guitars,
Roll dem tenors, in meh face,
Ah want tuh hear, ah want tuh hear
Ah want tuh hear meh band…play
Verse 2
Ah hope yuh fit
and yuh ready,
Pan explosion doesn’t be easy,
Ah see de pan pushers,
Look at de sponsors, all de foreigners,
Heading to de savannah
Panorama day, bands from all ah
bout,
East and West, North and South.
What ah great invention,
The songs of de Pan,
Thanks to the pioneers, all over de
land
Chorus 2
Slam de bass,
strum dem guitars
Roll dem tenors, in meh face,
Ah want tuh hear, ah want tuh hear
Ah want tuh hear meh band.
Whey
“Bean” does meet up wit
Duvone,
In the Big Yard, in the savannah.
Whey
Brooks does bounce up
Ray Holman
In the Big Yard, for Panorama.
Tuh explore yuh
musical mind,
And relly have ah good time.
In de North and Grand Stand,
Everyone supporting dey band.
Slam de bass, strum dem guitars,
Roll dem tenors, in meh face,
Ah want tuh hear, ah want tuh hear
Ah want tuh hear meh band…play
Bridge - Pan solo
Play…play…play
Verse 3
Big respect Pan
Trinbago,
Fuh putting on such a great show,
Bring de country together, for
Panorama
Nice’n up de area,
And shaking up de savannah.
I remember
Clive Bradley,
Sending de people wild,
In ah rage, on de stage.
Renegades and Despers,
Skiffle and Fonclaire
Exodus, Redemption songs-
Fill de atmosphere.
Chorus 3
Slam dem bass,
strum dem guitars
Roll dem tenors, in meh face,
Ah want tuh hear, ah want tuh hear
Ah want tuh hear meh band.
Whey Dennis go meet up
Samaroo
In the Big Yard, in the savannah.
Up dey yuh does find out who is who
In the Big Yard, for Panorama.
Tuh explore yuh
musical mind,
And relly have ah good time.
In de North and Grand Stand,
Everyone supporting dey band.
Slam dem bass, strum dem guitars,
Roll dem tenors, in meh face,
Ah want tuh hear, ah want tuh hear
Ah want tuh hear meh band…play
_________________
Whey pelau does
meet up roti,
In de Big Yard, in the savannah
Whey rum does bounce up with
whiskey,
In the Big Yard, for Panorama.
|