Click here for lead
sheet
|
Verse 1
Jumping in a band,
bounce up dis Bajan woman
She was all alone, jumping up
sucking a snow cone
Hook she round she waist, she frown
up she face
Mister like yuh mad ah what, yuh
drunk or is hot yuh hot
Well if yuh hear she
Chorus 1
Mister leave me
leh me jump up,
Mister I doh like to hug up
Who give you the authority
Yuh better move yuh dirty sweaty
arms around me
Why you holding me so for,
Touching is against the law
Me ain’t give you no consent,
Yuh watching, yuh touching,
Yuh too dam harassing
This is sexual harassment
Verse 2
What is wrong my
dear,
Dou dou darling - doh have no fear
I no ‘raper man,’ neither me ain’t no
hooligan
I is a married man, me ain’t looking
for no woman
So my darling all I want to do is
jump up wid you.
Hear she bawling
Chorus 1
_________________
Verse 3
Ah tell de Bajan,
stop getting on so in the band
Yuh embarrassing me, look how people
laughing at we
She say I doh care bout dem, dat is your problem
You making yourself feel shame,
And is me you want to blame - Look
here!
Chorus 2
Mister leave me
leh me jump up,
Mister I doh like to hug up
Who give you the authority,
Yuh better move yuh dirty sweaty
arms around me
Man yuh better take a walk,
Yuh smelling like a ole rum-cork
Me ain’t give you no consent,
Yuh watching, yuh touching, Yuh too
dam harassing
This is sexual harassment
Verse 4
It was getting
late, Tuesday night around half past
eight
By de Savannah, as de band about to
enter,
Ah say “Dou dou come, Take ah drink
ah rum”
She say mister keep yuh rum,
And when you go home - give yuh wife
some, not me
Chorus 1
|